Bunad

Sør-Trøndelag, JAKKE: Open, lang jakke, med ståkrage, i svart stoff. Jakka er fôra, har to sidelommer, ermesplitt og tre splittar i ryggen. Framme på jakka er det åtte knappar på kvar side og sju knapphol. Det er éin knapp på klaffen på sidelommene, to knappar på ermesplitt, og to knappar bak på sidesplittane. Stikningar på krage, sidelommer, framkant og splitt bak. VEST: Vesten er i stripete ullstoff og har ståkrage. I ryggen er det grå baskerlin. Vesten har to sidelommer og er kneppa med åtte knappar på kvar side. BUKSE: Knebukse med lukeopning, i svart stoff. Buksa har to sidelommer under luka. I knesplitten er det fem knappar og knelinning med spenne. Luka blir kneppa med ni knappar i sølv eller tinn. På innsida av buksa er det seleknappar. Alle knappar er i sølv eller tinn.